5 ტყვია მოარტყეს | PFL-ის ჩემპიონს თავდასხმა მოუწყვეს და ესროლეს
PFL-ის 2024 წლის ჩემპიონი, ტიმურ ხიზრიევი საავადმყოფოში იმყოფება. მახაჭკალაში მას ორი ადამიანი ჩაუსაფრდა და პნევმატური იარაღიდან რამდენჯერმე ესროლა. მომხდარის ამსახველი ვიდეო სოციალურ ქსელებში ვირუსულად გავრცელდა.
ხიზრიევს ორი ნიღბიანი ადამიანი მიუახლოვდა და ესროლა. მებრძოლის მენეჯერის თქმით, ხიზრიევს 5 ტყვია მოხვდა, თუმცა მის სიცოცხლეს საფრთხე არ ემუქრება. მას ოპერცია ჩაუტარდა და მისი ჯანმრთელობის მდგომარეობა სტაბილურია.
ხიზრიევი 29 წლის მებრძოლია და PFL-სა და BELLATOR-ში უჩხუბია. კარიერის განმავლობაში მას 18 ორთაბრძოლა აქვს გამართული და არც ერთხელ დამარცხებულა.
