ბექაური VS მაისურაძე - უნგრეთის მასტერსზე ქართული ფინალი იქნება!
უნგრეთის დედაქალაქ ბუდაპეშტში მიმდინარე ძიუდოისტთა მასტერზე -90 კგ. წონით კატეგორიაში ქარტული ფინალი შედგება.
ტურნირის ფინალში ერთმანეთს მსოფლიოს მოქმედი ჩემპიონი, ლუკა მაისურაძე და მოქმედი ოლიმპიური ჩემპიონი, ლაშა ბექაური შეხვდებიან.
ლუკა მაისურაძემ ნახევარფინალში იტალიელ კრისტიან პარლატის თითქმის 10-წუთიან ბრძოლაში იპონით მოუგო.
რაც შეეხება ლაშა ბექაურს, ტოკიოს ოლიმპიური თამაშების გამარჯვებულმა ნახევარფინალში უზბეკ დავლატ ბობონოვს შეხვედრის დაწყებიდან 1 წუთში, ასევე იპონით სძლია.
ფინალური ბლოკი საქართველოს დროით 19:00 საათიდან დაიწყება.