„2 პოტენციური თარიღი გვაქვს“ - დუ პლესიმ ჩიმაევთან ჩხუბზე ილაპარაკა
UFC-ის საშუალო წონითი დივიზიონის ჩემპიონმა, დრიკუს დუ პლესიმ ხამზატ ჩიმაევთან მოსალოდნელ ჩხუბზე ილაპარაკა.
სამხრეთ აფრიკელი მებრძოლის თქმით, არსებობს 2 პოტენციური თარიღი და მან თანხმობა ორივეზე მისცა.
„ბევრი მეკითხება, გაიმართება თუ არა ჩხუბი ამ წელს. 100%-ით კი. მალე იქნება ანონსი. UFC-მ ყველაფერი იცის. ეს ჭორები ჩემი ტრავმის შესახებ, არ ვიცი, საიდან გავრცელდა. მე უბრალოდ კონტრაქტს ველოდები და ეს ჩხუბი გაიმართება - უახლოეს თვეებში, უკიდურეს შემთხვევაში, უახლოესი 4 თვის განმავლობაში“, - თქვა დრიკუსმა თავის პოდკასტში.
შეგახსენებთ, რომ რამდენიმე თვის წინ, ავსტრალიის ქალაქ სიდნეიში გამართულ UFC 312-ის მთავარ ბრძოლაში დუ პლესიმ ამერიკელი შონ სტრიკლენდი მსაჯების ერთსულოვანი გადაწყვეტილებით დაამარცხა.
რაც შეეხება ჩიმაევს, ის წინ ჯერჯერობით დაუმარცხებლად მიიწევს და ბოლოს გასული წლის ოქტომბერში, რობერტ უიტაკერს აჯობა.
