„როგორი ლეგენდაა, ზედმეტად თავმდაბალია“ - მერაბმა ქომაგები გააოცა
დღეს, UFC-ში Pound for Pound რეიტინგი (ორგანიზაციის ტოპ 15 მებრძოლი წონის განურჩევლად) განახლდა, რომლის სათავეშიც ილია თოფურია მოექცა. „ელ მატადორმა“ ისლამ მახაჩევის 602-დღიანი დომინაცია დაასრულა.
ტოპ 3-ში იმყოფება მერაბ დვალიშვილი, რომელიც მესამეა. ქართველი „მანქანა“ არიელ ჰელვანის პოდკასტს ესტუმრა, სადაც ბევრ თემაზე ისაუბრა, მათ შორის P4P-ის რეიტინგზე და თავისი სიაც შეადგინა.
მერაბის თავმდაბლობით ბევრი გაოცებული დარჩა, რადგან დვალიშვილმა თავისი მესამე პოზიცია ალეშანდრე პანტოჟას დაუთმო. MMA-ს ცნობილი გამოცემა bloodyelbow მერაბს „ზედმეტად თავმდაბალს" უწოდებს და აღნიშნავს, რომ მან თავისი დამოკიდებულებით ქომაგები გააოცა.
„მე ვიტყვი, რომ ილია პირველი ნომერია. ვინ აკეთებს ასეთ რამეს? ის დაუმარცხებელია და ბოლო სამი ბრძოლა როგორ მოიგო. იგი ორი დივიზიონის ჩემპიონია.
მეორე ნომერი ისლამ მახაჩევია. ვიტყვი, რომ მესამე ნომერი პანტოჟა არის“.
„შენ ძალიან თავმდაბალი ხარ“.
- უპასუხა ჰელვანიმ მერაბს.
„მეოთხე ნომერი კარგია. მე თავმდაბალი უნდა ვიყო, რადგან არ მინდა ჩემი მოწინააღმდეგეები უგულებელვყო“.
- განაცხადა მერაბმა.
ჰელვანიმ ეს მონაკვეთი თავისი X-ის გვერდზე გააზიარა და დააწერა -
„როგორი ლეგენდაა ეს ბიჭი“.
Merab gives us his current P4P rankings:
— Ariel Helwani (@arielhelwani) June 30, 2025
1. Ilia Topuria
2. Islam Makhachev
3. Alexandre Pantoja
4. Merab Dvalishvili
What a legend, this guy. pic.twitter.com/NPISMLrfRd
მერაბმა შემდეგ საუბარი განაგრძო და აღნიშნა, რომ სუპერბრძოლებში მონაწილეობის მიღებამდე მას ჯერ თავისი დივიზიონის გაწმენდა სურს.
„ამჟამად თავს კომფორტულად ვგრძნობ. მინდა, ჩემი დივიზიონი სრულად გავწმინდო. არ მინდა, ძალიან ბევრი დევნა. კარგად ვარ. მინდა, ჩემი ქამარი დავიცვა. ჯერჯერობით აქ თავს კომფორტულად ვგრძნობ.
თუ ყველას დავამარცხებ, მაშინ კი, შესაძლოა, რამდენიმე სუპერბრძოლა მოვიგო ან მეორე ქამრისთვის ვიბრძოლო, მაგრამ, როგორც ვთქვი, ვოლკანოვსკის ძალიან დიდ პატივს ვცემ, ჯერჯერობით მასთან შერკინება არ მინდა“.
- ამბობს დვალიშვილი.
Merab wants to clear out the 135lb division before taking any super fights:
— Ariel Helwani (@arielhelwani) June 30, 2025
"Right now, I'm comfortable. I want to clean out my division. I don't wanna chase too much. I'm good. I wanna defend my belt. I'm comfortable here for now.
If I really beat everybody, then yes, maybe I… pic.twitter.com/BuVnLs3bZZ
შეგახსენებთ, რომ მერაბის მომდევნო მეტოქედ კორი სენდჰეგენს თვლიან. ამის შემდეგ კი უმარ ნურმაგომედოვთან მეორე ბრძოლის ჩანიშვნა იქნება მოსალოდნელი.
