„შეშინებული ხარ“ | ცარუკიანმა თოფურიას კიდევ ერთხელ მიმართა
UFC-ის მსუბუქი წონითი დივიზიონის მებრძოლმა, არმან ცარუკიანმა ილია თოფურიას მიმართა. 28 წლის სომეხმა X-ის საკუთარ გვერდზე პოსტი გამოაქვეყნა და „ელ მატადორის“ მიერ ჩარლზ ოლივეირას დამარცხების შემდეგ გაკეთებულ განცხადებას უპასუხა.
„ნამდვილი კონტენდერისგან გაქცევა მხოლოდ ერთ რამეს ადასტურებს - შეშინებული ხარ. გულის სიღრმეში, ზუსტად იცი, რა მოხდება თუ ჩემ წინააღმდეგ ოქტაგონზე გამოხვალ“, - დაწერა ცარუკიანმა.
Running from the real contender only proves one thing - you’re scared. Deep down, you know exactly what happens if you ever step in there with me @Topuriailia https://t.co/nud1L5FVdm
— Arman Tsarukyan UFC (@ArmanUfc) July 1, 2025
ცნობისთვის, ინტერვიუში, რომელსაც ცარუკიანი გამოეხმაურა, თოფურია ამბობს: „არმანი ოქტაგონში განვითარებული მოვლენებით შოკირებული ჩანდა და ოლივეირას დანოკაუტების შემდეგ მას სახეზე ასეთი რამ ეწერა: „ამ ბრძოლას ვაზღვევდი და მადლობა ღმერთს, რომ ჩარლზს არაფერი მოუვიდა და ილიას სწორედ ის დაუპირისპირდა. წონა წარმატებით ჩააბარა და ამ მხრივ პროგრესი ჰქონდა, თუმცა თუ შეამჩნევდით, ის წონას მხოლოდ მაშინ აბარებს, როდესაც ჩხუბი არ უწევს“.
ცარუკიანს კარიერაში 25 ბრძოლა აქვს გამართული და მის ანგარიშზე 22 გამარჯვებაა. ბოლო ჩხუბში, არმანმა „დუ ბრონქსს“ მსაჯების გაყოფილი გადაწყვეტილებით მოუგო.
