გოლი და საგოლე გადაცემა | ლიონელ მესიმ ინტერ მაიამის მოაგებინა
ლიონელ მესის „ინტერ მაიამიმ“ 2-მატჩიანი მოუგებელი სერია დაასრულა და MLS-ის მიმდინარე სეზონში მე-16 გამარჯვება მოიპოვა. არგენტინელი ფეხბურთელის გუნდმა სამი ქულა მძიმე ბრძოლაში აიღო და „ნიუ ინგლენდ რევოლუშენი“ სტუმრად 2:1 დაამარცხა.
„ინტერ მაიამის“ გამარჯვება „ლა პულგას“ დამსახურებაა. მატჩში ანგარიში 53-ე წუთზე მასპინძლებმა გახსნეს, რის შემდეგაც მესიმ ჯერ საგოლე გადაცემა გააკეთა, შემდეგ კი მეტოქის კარი თავად აიღო. 69-ე წუთზე ლეომ ხერმან ბერტერამეს გაატანინა, 14 წუთში კი თავად შეაგდო.
მესიმ კარიერაში 937-ე გოლი გაიტანა და მის ანგარიშზე 428 საგოლე გადაცემაცაა. 39 წლის ფეხბურთელი 26 გოლით MLS-ის ბომბარდირთა დავის ლიდერია და მეორეადგილოსან პეტარ მუსას 4 ბურთით უსწრებს. „ლა პულგა“ მატჩის საუკეთესო ფეხბურთელად დასახელდა და MLS-ის მიმდინარე სეზონში მასზე მეტჯერ ეს ჯილდო არავის მოუგია.
The difference maker ????✨ Leo Messi takes home the #IconOfTheMatch tonight. ???? @RoyalCaribbean https://t.co/GCizZ7wneD
— Inter Miami CF (@InterMiamiCF) November 2, 2026
ცნობისთვის, MLS-ის პლეიოფების დაწყებამდე ერთი შეხვედრა დარჩა. მესის გუნდს 59 ქულა აქვს და აღმოსავლეთ კონფერენციის მეორე ადგილს იკავებს. რეგულარულის ბოლო მატჩს „ინტერ მაიამი“ 7 ნოემბერს, „შარლოტის“ წინააღმდეგ გამართავს.
კომენტარები
იყავით პირველი, ვინც დაწერს კომენტარს