„ისლამი P4P-ში პირველი უნდა იყოს“ | მახაჩევის მენეჯერის კომენტარი ილიას წინსვლაზე
ისლამ მახაჩევის მენეჯერი, ალი აბდელაზიზი UFC-ის Pound for pound რეიტინგს გამოეხმაურა. UFC 317-ის შემდეგ ილია თოფურიამ P4P-ში პირველი ადგილი დაიკავა და მახაჩევის 602-დღიანი სერია დაასრულა, რაც აბდელაზიზს უყურადღებოდ არ დაუტოვებია.
„ილია თოფურიას არაფერს ვუკარგავ და ის ერთ-ერთი საუკეთესო ტალანტია, რომლის მსგავსიც დიდი ხანია არ გვინახავს. თუმცა ვფიქრობ, ისლამის 15-ბრძოლიანი მოგებების სერია UFC-ში და ბოლო ათი ბრძოლიდან ცხრის ფინიშით დასრულება მას Pound for pound რეიტინგის პირველ ნომრად აქცევს“.
Not taking anything away from Ilia and he’s one of the best talent we have seen in a long time.
— Ali Abdelaziz (@AliAbdelaziz00) July 2, 2025
I just think Islam’s 15 fight winning streak in the UFC and him finishing his 9 of his last 10 fights makes him the number 1 Pound for Pound fighter
საინტერესოა, რომ ისლამი პირველი ნომერი 2023 წლის 7 ნოემბერს გახდა და მას შემდეგ, ლიდერობას არავის უთმობდა. UFC P4P რეიტინგის პირველ ადგილს, ყველაზე დიდი ხნის განმავლობაში, ჯონსი იკავებდა. „ბოუნსი“ ლიდერი ზედიზედ 659 დღის განმავლობაში იყო და მახაჩევს ამ რეკორდის მოსახსნელად რამდენიმე დღე დააკლდა
„ელ მატადორის“ წინსვლის შემდეგ, მახაჩევმა მეორე ადგილზე გადაინაცვლა, მერაბ დვალიშვილი კი მესამეა. მნიშვნელოვანი პროგრესი აქვს ალეშანდრე პანტოჟას. „კანიბალი“ როგორც იქნა, ტოპ 5-ში შევიდა და მეხუთე პოზიციას იკავებს, დრიკუს დუ პლესი - მეოთხეა.
