“კონორ მაკგრეგორზე დიდი“ - მსოფლიო მედიის გამოხმაურება
UFC 317-ზე მსუბუქი წონითი დივიზიონის სატიტულო ჩხუბში ილია თოფურიამ პირველივე რაუნდში ჩარლზ ოლივეირა გათიშა. შეხვედრა, რომელსაც მთელი MMA-ს სამყარო მოუთმენლად ელოდა, ძალიან მალე დასრულდა. ილიამ საოცარი ნოკაუტით გაიმარჯვა. ამ გამარჯვების შემდეგ ილია ორი წონის, ქვემსუბუქი და მსუბუქი წონის ჩემპიონია.
თოფურიას ასეთ დიდებულ გამარჯვებას ავტორიტეტული სპორტული გამოცემები გამოეხმაურნენ.
Yahoo:
„კონორ მაკგრეგორზე დიდი. თოფურიამ ოლივეირა მეორე დივიზიონის ტიტულის მოსაპოვებლად და MMA-ს ერთ-ერთ უდიდეს ვარსკვლავად დამკვიდრების მიზნით გათიშა.“
ESPN:
„თოფურიამ ჩარლზ ოლივეირა დაამარცხა და ახლა პედი პიმბლეტის და ისლამ მახაჩევის დამარცხების გეგმას აყალიბებს.“
NY Times:
„ილიას ხელებში ისეთი ძალა აქვს სავარაუდო იყო, რომ ოლივეირასთვის ყველაფერი ასე დასრულდებოდა.“
Foxsports:
„აბსოლუტურად არაჩვეულებრივი! თოფურიამ UFC-ის წლის გიჟური ბრძოლა ჩაატარა. ის ახლა ორი დივიზიონის ლეგენდაა და ეს მხოლოდ დასაწყისია.“
AJC.Com:
„დაამტკიცა, რომ საუკეთესოა. ოლივეირა უშანსოდ დატოვა. მისი მხრიდან ეს მნიშვნელოვანი განცხადება იყო.“
შეგახსენებთ, რომ ილიამ კარიერაში მე-17 ბრძოლა გამართა, ყველა მისი გამარჯვებით დასრულდა, ის დაუმარცხებელია.
თოფურიამ 17-დან 7 გამარჯვება ნოკაუტით მოიპოვა. ასევე, ნოკაუტი ზედიზედ მესამე ჩხუბში შეასრულა. ილიამ ალექსანდრ ვოლკანოვსკი, მაქს ჰოლოუეი და ჩარლზ ოლივეირა გათიშა.
