„ბოდიში, კორი, მაგრამ შენ დაძინება მოგიწევს“ - მერაბი სენდჰეგენს
მომდევნო ბრძოლაში მერაბ დვალიშვილი არა მხოლოდ UFC-ის საჩემპიონო ქამრის დაცვას აპირებს, არამედ ოთხწლიანი პაუზის შემდეგ პირველი ნоკაუტით გამარჯვების მოპოვებასაც გეგმავს.
„მე კორი სენდჰეგენს ნოკაუტით დავამარცხებ. ბოდიში, კორი, მაგრამ შენ დაძინება მოგიწევს,“
– თქვა „მანქანამ“ კამერის წინ, ვარჯიშის დაწყებამდე.
„შემდეგ ბრძოლაში ნოკაუტზე ვიმუშავებთ,“
– დაამატა ჩემპიონმა კომენტარებში.
UFC-ში დვალიშვილის 13 მოგებული შეხვედრიდან 11 მსაჯების გადაწყვეტილებით დასრულდა, ერთადერთი ტექნიკური ნოკაუტი კი 2021 წლის სექტემბერში მოიპოვა, როცა მეორე რაუნდში მარლონ მორაესი დაამარცხა.
საჩემპიონო ბრძოლა დვალიშვილსა და სენდჰეგენს შორის UFC 320-ის ერთ-ერთი მთავარი დაპირისპირება იქნება. შოუ 4 ოქტომბერს ლას-ვეგასში გაიმართება.
