ოლივეირა გათიშა და ორი წონის ჩემპიონია | თოფურიას საოცარი გამარჯვება
UFC 317-ზე მსუბუქი წონითი დივიზიონის სატიტულო ჩხუბში ილია თოფურიამ პირველივე რაუნდში ჩარლზ ოლივეირა გათიშა. შეხვედრა, რომელსაც მთელი MMA-ს სამყარო მოუთმენლად ელოდა, ძალიან მალე დასრულდა. ილიამ საოცარი ნოკაუტით გაიმარჯვა.
ილიამ ბრძოლის დაწყებისთანავე მეტოქეს რამდენიმე ძლიერი დარტყმა მიაყენა, რის შემდეგაც ოლივეირამ ჭიდაობა გადაწყვიტა, თუმცა არაფერი გამოუვიდა და მალევე, პირველი რაუნდის 3:33 წუთზე ქართველმა ოლივეირა გათიშა, ილიას უდიდესი გამარჯვება.
ამ გამარჯვების შემდეგ ილია ორი წონის, ქვემსუბუქი და მსუბუქი წონის ჩემპიონია.
ილიამ კარიერაში მე-17 ბრძოლა გამართა, ყველა მისი გამარჯვებით დასრულდა, დაუმარცხებელია.
თოფურიამ 17-დან 7 გამარჯვება ნოკაუტით მოიპოვა. ასევე, ნოკაუტი ზედიზედ მესამე ჩხუბში შეასრულა. ილიამ ალექსანდრ ვოლკანოვსკი, მაქს ჰოლოუეი და ჩარლზ ოლივეირა გათიშა.
