2024 წელს შესაძლოა საქართველომ სამხრეთ აფრიკასთან ითამაშოს
საქართველოს მორაგბეთა ნაკრებმა შესაძლოა 2024 წლის ივლისში მსოფლიო ჩემპიონის სამხრეთ აფრიკის წინააღმდეგ ტესტ მატჩი გამართოს.
TheSouthAfrican.com-ი წერს, რომ მსოფლიოს მოქმედი ჩემპიონები ნოემბრის ტესტებზე თამაშს არ გეგმავენ, ამის ნაცვლად კი 2024 წლის ივლისში ითამაშებენ.
ივლისში სამხრეთ აფრიკა ჯერ ირლანდიას დაუპირისპირდება, შემდეგ კი როგორც წყარო წერს, ტიერ 2 დონის ნაკრებთან თამაშს გეგმავენ.
„სამხრეთ აფრიკის ნაკრებმა, შესაძლოა, ივლისის ტესტმატჩებზე ტიერ 2 დონის ნაკრების წინააღმდეგ ითამაშოს. მაგალითად, საქართველოსთან“.
- TheSouthAfrican.com-ი.
„ბორჯღალოსნები“ სამხრეთ აფრიკას ისტორიაში სულ 2-ჯერ შეხვდნენ: 2003 წელს მსოფლიო ჩემპიონატზე 19:46 დავმარცხდით და მეორედ 2021 წლის ტესტმატჩში 9:40 დავთმეთ.
შეგახსენებთ, რომ სამხრეთ აფრიკამ მსოფლიო ჩემპიონატის ფინალში ახალ ზელანდიას 12:11 მოუგო და ისტორიაში პირველი ნაკრები გახდა, რომელმაც მსოფლიო თასი მეოთხედ მოიგო.