ზედიზედ მე-5 გამარჯვება! საქართველოს ნაკრები მეორე დივიზიონის A ჯგუფში გადავიდა

ახალი ზელანდიის ქალაქ დანიდინში მიმდინარე 2025 წლის ყინულის ჰოკეის მსოფლიო ჩემპიონატის მე-2 დივიზიონის B ჯგუფის მეხუთე შეხვედრაში საქართველოს ჰოკეისტთა ნაკრებმა ტაილანდი 15:1 გაანადგურა.

გოლების ავტორები დანილ დავიდოვი (4), არტიომ კოზიულინი (3), ტიმურ ბეშაროვი (2), კონსტატინ გავრილენკო, დანილ მეტლიუკი, მაკარ ნიკიშანინი, ალექსანდრ კირეევი, ივან შვეცოვი და ბორის კოჩკინი გახდნენ.

საქართველოს ნაკრებმა ტურნირი დამაჯერებლად ჩაატარა და ყველა მატჩის მოგება შეძლო, შედეგად ჯგუფში პირველი ადგილი მოიპოვა და მომავალი სეზონიდან მეორე დივიზიონის A ჯგუფში თამაშის უფლებაც მიიღო.

ბოლოს გეტყვით, რომ საქართველოს ჰოკეისტთან ნაკრებმა ტურნირზე ტაილანდთან შეხვედრამდე, ისლანდია (4:0), ახალი ზელანდია (5:0), ბულგარეთი (8:7) და ჩინეთის ტაიპეი (3:1) დაამარცხა.

ფოტო: საქართველოს ყინულის ჰოკეის ფედერაცია