U20 | საქართველომ ევროპის ჩემპიონატზე პორტუგალიას მოუგო
Aa
Aa

U20 | საქართველომ ევროპის ჩემპიონატზე პორტუგალიას მოუგო

პორტუგალიის ქალაქ ოეირაშში მიმდინარე 20-წლამდელ წყალბურთელთა ევროპის ჩემპიონატზე (I დივიზიონი) საქართველოს ნაკრებმა პირველი გამარჯვება მოიპოვა. ქართველმა წყალბურთელებმა მასპინძელი პორტუგალია 20:11 დაამარცხეს.

საქართველოს ნაკრების გამარჯვებაში ყველაზე დიდი წვლილი ნიკა რამინიშვილმა შეიტანა, რომელმაც 4 გოლი გაიტანა. სამი გოლი ვეშაგურისა და ხურცილავას ანგარიშზეა, ორ-ორი ბაბიაშვილმა, ჭუბაბრიამ, გიორგობიანმა, ხუციანიძემ და რუბაშვილმა მიითვალეს, თითო გოლი კი ყურაშვილმა და აბესაძემ გაიტანეს.

საქართველოს ნაკრების შემადგენლობა ასეთი იყო: მაჭავარიანი, ბაბიაშვილი; ვეშაგური, იობიძე, ჭუბაბრია, რამინიშვილი, გიორგობიანი, ხუციანიძე, ყურაშვილი, ხურცილავა, ლანდია, აბესაძე, გუჯარაიძე და რუბაშვილი.

ორი ტურის შემდეგ საქართველოს ნაკრების ანგარიშზე ერთი გამარჯვება და ერთი მარცხია. მომდევნო შეხვედრას ქართველი წყალბურთელები 12 აგვისტოს ფინეთის ნაკრების წინააღმდეგ გამართავენ.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები