„როგორც ჩანს, თეთრი სახლი გამოვტოვე...“ - ალექს პერეირა
ალექს პერეირა არ ფიქრობს, რომ თეთრ სახლში დაგეგმილი ტურნირის ქარდში მოხვდება.
ბრაზილიელს, რომელიც UFC-ის ნახევრადმძიმე წონის საჩემპიონო ქამარს ფლობს, არ სჯერა, რომ მომავალი წლის ივნისისთვის დაგეგმილ ქარდში მიიღებს ადგილს.
„როგორც ჩანს, თეთრი სახლი – გამოვტოვე!“
– დაწერა ბრაზილიელმა სოციალურ ქსელში, დამატებითი განმარტებების გარეშე.
მანამდე პერეირა აქტიურად უწევდა პოპულარიზაციას ჯონ ჯონსის წინააღმდეგ თეთრ სახლში ბრძოლას.
„პოატანის“ განცხადება, სავარაუდოდ, იმაზე მიუთითებს, რომ ის ბრძოლას უფრო ადრე ჩაატარებს, და აქ, ფაქტობრივად, ორი ვარიანტია: საჩემპიონო ქამრის დაცვა ნახევრადმძიმე წონაში, ან ბრძოლა დროებითი ტიტულისთვის მძიმე წონით კატეგორიაში. პირველ შემთხვევაში, პერეირას მეტოქე იქნება ახალზელანდიელი კარლოს ულბერგი, ხოლო მეორეში – ფრანგი სირილ განი, რომელმაც თითის თვალში მოხვედრისთვის ტომ ასპინალი ხანგრძლივ რეაბილიტაციაზე გაუშვა.
მიმდინარე წელს ბრაზილიელი ორჯერ გავიდა ოქტაგონზე – მარტში მსაჯების ერთსულოვანი გადაწყვეტილებით მაგომედ ანკალაევთან დამარცხდა, ხოლო ოქტომბერში გამართულ რევანშში ანკალაევი პირველივე რაუნდში გათიშა.
