პირველი რაუნდის ფინიში - ბორენა ცერცვაძემ ირანელი მეტოქე გაანადგურა

MMA-ის ქართველმა მებრძოლმა, ბორენა ცერცვაძემ კარიერაში ზედიზედ მეექვსე გამარჯვება მოიპოვა. 32 წლის მებრძოლმა Georgian Fighting Championship-ის, იგივე GFC-ის 34-ე ღონისძიებაზე იჩხუბა, სადაც 19 წლის ირანელ მობინა ბაბანატაის დაუპირისპირდა და მეტოქეს პრაქტიკულად შანსი არ დაუტოვა.

ბორენა ცერცვაძემ თავიდანვე შეძლო თეიქდაუნის განხორციელება და მომგებიანი პოზიცია ხელიდან არ გაუშვია. ქართველმა მებრძოლმა ირანელ მოწინააღმდეგეს მიწაზე ფაქტობრივად, შანსი არ დაუტოვა და პირველი რაუნდის დასრულებამდე 1 წუთით ადრე მსაჯს ბრძოლის გაჩერება მოუწია. შედეგად, ცერცვაძემ ფინიშით გაიმარჯვა.

შეხვედრის დასრულების შემდეგ გაკეთებულ კომენტარში, ბორენა ცერცვაძემ გამარჯვება გარდაცვლილ ბიძას მიუძღვნა.

რა თქვა ბორენამ ბრძოლის შემდეგ:

32 წლის ბორენა ცერცვაძეს MMA-ში 6 ბრძოლა აქვს გამართული და ამ დრომდე დაუმარცხებლად ასპარეზობს. ქართველი მებრძოლის მომავალი გეგმების შესახებ უახლოეს პერიოდში გავიგებთ.