ბისპინგი: მართლა ფიქრობთ, რომ არმანს ეს ბრძოლა უნდა მიეღო?
UFC-ის ყოფილმა ჩემპიონმა და ამჟამად ამავე ორგანიზაციის კომენტატორმა, მაიკლ ბისპინგმა, მსუბუქი წონითი დივიზიონის დროებით საჩემპიონო ბრძოლაზე ისაუბრა და არმან ცარუკიანი გააკრიტიკა.
ბისპინგი ასევე ფიქრობს, რომ პიმბლეტი თოფურიას უნდა დაუპირისპირდეს. მისი აზრით, პიმბლეტს ილიასთან სატიტულო ბრძოლა უნდა მიეღო.
„მართლა ფიქრობთ, რომ არმან ცარუკიანს უნდა მიეღო ეს ბრძოლა? მე ვფიქრობ, არა. პედი და ჯასტინი უკვე გარკვეული დროის განმავლობაში ყურადღების ცენტრში იყვნენ, არმანი კი განზე რჩებოდა.
ვფიქრობდი, რომ პედი იყო მთავარი პრეტენდენტი. მას ჰქონდა სიტყვიერი დაპირისპირება თოფურიასთან. თითქოს ეს ბრძოლა ბედისწერით იყო განსაზღვრული. იმედი მაქვს, რომ ისინი მაინც იჩხუბებენ,“
– განაცხადა ბისპინგმა.
დროებითი ჩემპიონის ტიტულისთვის 24 იანვარს, ჯასტინ გეიჯი და პედი პიმბლეტი იბრძოლებენ, მათი გამარჯვებული კი სავარაუდოდ გვიან გაზაფხულზე, ან ზაფხულში „ელ მატადორს“ დაუპირისპირდება, რომელმაც ოჯახური პრობლემების გამო კარიერაში მცირე პაუზა აიღო.
