“მალე ისევ შევხვდებით“ - სანიოლი ქართველ გულშემატკივრებს დაემშვიდობა

როგორც მოგეხსენებათ, საქართველოს ნაკრები ვილი სანიოლმა დატოვა. ფრანგი სპეციალისტი ქართველ გულშემატკივრებს დაემშვიდობა. მის სიტყვებს საქართველოს ფეხბურთის ფედერაცია აქვეყნებს.

სანიოლი:

ძვირფასო საქართველო..

გავიდა ექვსი დაუვიწყარი წელი, სავსე ემოციებით, განსაკუთრებული მომენტებითა და უნიკალური გამოცდილებით, რომლებსაც მე მთელი ცხოვრება გულში ვატარებ.

მადლობას ვუხდი ამ ქვეყანას ყველაფრისთვის, რაც მან ჩემთვის გააკეთა.

განსაკუთრებული მადლობა მინდა გადავუხადო ფეხბურთის ფედერაციას და ჩემს მოთამაშეებს. თქვენ მომეცით შესაძლებლობა, განმეცადა ისეთი ემოციები, რომლებიც მანამდე არასდროს მიგრძვნია, და ისეთი მომენტები, რომლებსაც ვერასოდეს დავივიწყებ.

თუმცა, ყველაზე ლამაზ ისტორიასაც კი ოდესღაც აქვს დასასრული. ახლა კი ჩემთვის დამშვიდობების დრო დადგა, პატივისცემით, მადლიერებითა და ღირსებით.

აქ მხოლოდ კოლეგებსა და თანამოაზრეებს არ ვტოვებ, აქ ვტოვებ ადამიანებს, რომლებთანაც წლების განმავლობაში ნამდვილი, ღრმა მეგობრობა ჩამომიყალიბდა. მეგობრობას, რომელიც, დარწმუნებული ვარ, კიდევ მრავალი ათწლეულის განმავლობაში დაგვაკავშირებს.

საქართველოს ჩემს გულში მუდამ განსაკუთრებული ადგილი ექნება.

მთელი გულით გისურვებთ ნათელ მომავალს, რადგან თქვენ ამას ყველაზე მეტად იმსახურებთ.

მადლობა ამ ექვსი არაჩვეულებრივი წლისთვის.

ნახვამდის და დარწმუნებული ვარ, ძალიან მალე ისევ შევხვდებით. ვილი..“

შეგახსენებთ, რომ ვილი სანიოლი საქართველოს ეროვნულ ნაკრებში რამაზ სვანაძემ ჩაანაცვლა. ჯვაროსნები შემდეგ მატჩს 28 ოქტომბერს უკრაინის წინააღმდეგ გამართავენ. აღნიშნული დაპირისპირება 20:00-დან დაიწყება.