ომალის სურს, რომ წლის ბოლომდე იჩხუბოს
მერაბ დვალიშვილის ყოფილმა მეტოქემ, შონ ომალიმ განაცხადა, რომ 2025 წელს სურს, კიდევ ერთი ჩხუბი გამართოს.
„ეს იქნება ნოემბერში ან დეკემბერში. ყოველ შემთხვევაში, წელს კიდევ ერთხელ უნდა ვიჩხუბო“, - თქვა 30 წლის ამერიკელმა მებრძოლმა.
შეგახსენებთ, რომ ომალიმ ბოლო 2 სატიტულო ბრძოლა მერაბ დვალიშვილთან გამართა და ორივეჯერ დამარცხდა.
გეტყვით ასევე, რომ „შუგა“ კარიერაში მესამედ დამარცხდა. ომალის ერთხელ მარლონ ვერამ მოუგო, ორჯერ კი - დვალიშვილმა.
