შერმადინის 13 ქულა - ტენერიფემ მურსია გაანადგურა
ესპანეთის საკალათბურთო ჩემპიონატის მორიგ ტურში ლაგუნა ტენერიფემ მურსიას უმასპინძლა და 96:80 გაანადგურა.
ამ გამარჯვებაში თავისი წვლილი გიორგი შერმადინმაც შეიტანა, რომელიც, როგორც ყოველთვის ძირითად შემადგენლობაში მოგვევლინა.
ქართველმა კალათბურთელმა პარკეტზე 21 წუთი და 56 წამი გაატარა. ამ პერიოდის განმავლობაში მან 13 ქულა, 4 მოხსნა და 3 შედეგიანი გადაცემა დააგროვა.
მატჩის მიმდინარეობისას გიორგიმ 8-ჯერ სცადა 2-ქულიანის ჩაგდება და ზუსტი 5 აღმოჩნდა. სამი საჯარიმო ტყორცნიდან სამივე ჩააგდო.
4 მოხსნიდან ოთხივე საკუთარ ფარზე შეასრულა. შერმადინმა ორი პერსონალური ფოლი მიიღო.
ცნობისთვის, ამ მატჩის შემდეგ, ტენერიფეს 6 ქულა აქვს და სატურნირო ცხრილში პირველ ადგილზე იმყოფება.
???? ¡Suma y sigue!
— La Laguna Tenerife (@CB1939Canarias) October 18, 2025
???? La Laguna Tenerife exhibe su carácter competitivo para seguir invicto.
???????? #VamosCanarias pic.twitter.com/yWdMiSipCx
