ტექნიკური ნოკაუტი - გურულმა ბრიტანელი მეტოქე დაამარცხა

ლაშა გურულმა ლონდონში, „უემბლის“ სტადიონზე გამართულ ორთაბრძოლაში ინგლისელი ჯეიმს ფრენცისი დაამარცხა.

გურულმა მე-5 რაუნდის დასაწყისში ტექნიკური ნოკაუტით გაიმარჯვა, მას შემდეგ რაც ფრენცისის კუთხემ ჩხუბის შეჩერება მოითხოვა.

ეს გურულისთვის პროფესიონალურ დონეზე მეორე ჩხუბი იყო. აღსანიშნავია ისიც, რომ ლაშას კუთხეში UFC-ის სუპერმსუბუქი წონის მებრძოლი ალექსანდრე თოფურია იმყოფებოდა.

ცნობისთვის, ფრენცისს აქამდე კარიერაში 8 ჩხუბი ჰქონდა გამართული, საიდანაც 7 მოიგო და მხოლოდ ერთხელ დამარცხდა.

როგორც მოგეხსენებათ, ღონისძიების მთავარი მოვლენა ოლექსანდრ უსიკისა და დანიელ დუბუას დაპირისპირდებაა. ინგლისელი მოკრივე „თეთრ კურდღელზე“ მძიმეა - აწონვების ცერემონიაზე უსიკმა 103,1 კილოგრამი დააფიქსირა, ხოლო „დინამიტმა“ 110,6 კგ.