პირველი ტრანსფერი მზადდება - დინ ჰაისენი რეალს მიუახლოვდა
როგორც მოგეხსენებათ, სულ მალე მადრიდის რეალის ახალი მთავარი მწვრთნელი ჩაბი ალონსო იქნება.
ახალი არავისთვის არის, რომ სამეფო კლუბს დაცვის ხაზის გაძლიერება მნიშვნელოვნად სჭირდება და ფლორენტინო პერესმა ამაზე ზრუნვა უკვე დაიწყო.
ბრიტანული და ესპანური მედიის ინფორმაციით, ბლანკოსი 20 წლის ნიდერლანდელის, დინ ჰაისენის შეძენით არის დაინტერესებული.
ბორნმუთის უკანახაზელის გადაბირებით ჩელსიც ინტერესდებოდა და 50 მილიონი ჰქონდა გამზადებული, მაგრამ Telegraph-ის ინფორმაციით, თავად ფეხბურთელის პრიორიტეტი რეალში თამაშია. არისტოკრატებს კი ალტერნატივის მოძებნა მოუწევთ.
TeleFootball წერს, რომ რეალი მზად არის ბორნმუთს 20 წლის ფეხბურთელის გამოსასყიდი თანხა გადაუხადოს.
ცნობისთვის, დინ ჰაისენის დაბადების ადგილი ნიდერლანდებია და ასაკობრივი ნაკრებებიც სწორედ ნიდერლანდებში გამოიარა, თუმცა შემდეგ, ესპანეთის მოქალაქეობა მიიღო და ფურია როხაში ჰქონდა დებიუტი.
???? BREAKING: Real Madrid are now CONFIDENT of finalizing a deal for Dean Huijsen.
— Madrid Zone (@theMadridZone) May 13, 2025
They have NO problem in paying his release clause, and the player is attracted to Madrid. @TeleFootball pic.twitter.com/MsPwtwlD4D
