“ლიგა 2-ში არაფერი ესაქმება“ - ფრანგული გამოცემა ზურიკოზე

საფრანგეთის ლიგა 2-ის მეორე ტურში სენტ-ეტიენმა როდეზი 4:0 დაამარცხა. კარგი მატჩი ჰქონდა ზურიკო დავითაშვილს, რომელიც გამუდმებით აქტიურობდა და ერთი გოლი გაიტანდა.

მატჩის დასრულების შემდეგ, გამოცემა Livefoot ქართველ ფეხბურთელზე წერს და აღნიშნავს, რომ ზურიკოს ლიგა 2-ში არაფერი ესაქმება.

Livefoot:

„ზურიკო დავითაშვილს სენტ-ეტიენის დატოვება სურს. მას ლიგა 2-ში არაფერი ესაქმება, თუმცა კლუბისთვის ტრანსფერის თაობაზე არავის მიუმართავს. არიან ფეხბურთელები, რომლებიც ზურიკოსთან ერთად კლუბის დატოვებას ელიან, მაგრამ ამისთვის კონკრეტული შეთავაზებებია საჭირო.

ქართველი ერთ-ერთ ყველაზე პერსპექტიულ ფეხბურთელად მიიჩნევა და ბოლო თვეებში კარგი შედეგები ჰქონდა. ახალ სეზონში მისი პირველი მატჩი ლავალთან ადასტურებს, რომ მისი ადგილი ლიგა 2-ში არ არის. მიუხედავად იმისა, რომ დავითაშვილს წასვლა სურს, არის ალბათობა, რომ გარკვეულ პერიოდს მაინც სენტ-ეტიენში გაატარებს.“

შეგახსენებთ, რომ Transfermarkt-ის მიხედვით, ზურიკოს სატრანსფერო ღირებულება 10 მილიონი ევროა, მაგრამ სენტ-ეტიენი მის სანაცვლოდ 20 მილიონს ითხოვს. ამ თანხის გადახდა კი კლუბებს არ სურთ.

ასევე შეგახსენებთ, მიმდინარე ზაფხულის სატრანსფერო ფანჯრის დროს, დავითაშვილის მიმართ ყველაზე დიდ ინტერესს ბეშიქთაში იჩენდა.