შენგელიას 14 ქულა - ვირტუს ბოლონიამ ევროლიგაზე გაიმარჯვა
ევროლიგის მორიგ ტურში „ვირტუს ბოლონიამ“ „ოლიმპია მილანოს“ უმასპინძლა და მძიმე ბრძოლაში 86:79 დაამარცხა.
როგორც ყოველთვის, თორნიკე შენგელია ძირითად შემადგენლობაში მოგვევლინა. საქართველოს ნაკრების კაპიტანმა პარკეტზე 28 წუთი და 33 წამი დაყო.
ამ პერიოდის განმავლობაში შენგელიამ 14 ქულას, 6 მოხსნას და 4 შედეგიან გადაცემას მოუყარა თავი. მასზე უკეთესი შედეგი „ვირტუს ბოლონიაში“ ავუდუ აბასს და გაბრიელ ლინდბერგს ჰქონდათ.
შეგახსენებთ, რომ ამ გამარჯვების შემდეგ, იტალიურ გუნდი სატურნირო ცხრილში მე-3 ადგილზე აღზევდა და მხოლოდ „რეალს“ და „ბარსელონას“ ჩამორჩება.
ცნობისთვის, შემდეგ ტურში „ვირტუს ბოლონია“ „პანათინაიკოსს“ ესტუმრება. აღნიშნული დაპირისპირება 17 ნოემბრით თარიღდება და თბილისის დროით 23:15-დან დაიწყება.
WIN WIN WIN ⚪️⚫️
— Virtus Segafredo Bologna (@VirtusSegafredo) November 14, 2023
La Segafredo vince il derby d’Italia: che partita ????
???? Lundberg 19, Abass 14, Shengelia 14, Hackett 10, Belinelli 8, Cordinier 8, Dobric 8, Dunston 2, Smith 2, Cacok 1#AmarsiAncora pic.twitter.com/CJU8lJpVFV
