შერმადინის 13 ქულა - ტენერიფემ ჩემპიონთა ლიგაზე გაიმარჯვა
საკალათბურთო ჩემპიონთა ლიგის მორიგ ტურში ლენოვო „ტენერიფე“ „პერისტერის“ დაუპირისპირდა, მორიგი კარგი მატჩი ჩაატარა და მოწინააღმდეგე უმარტივესად 86:60 დაამარცხა.
როგორც ყოველთვის, ძირითად შემადგენლობაში მოგვევლინა გიორგი შერმადინი. ქართველმა კალათბურთელმა პარკეტზე 21 წუთი და 43 წამი დაყო.
ამ პერიოდის განმავლობაში, ვეტერანმა ქართველმა 13 ქულა 4 მოხსნა და 1 შედეგიანი გადაცემა მიითვალა. მატჩში საუკეთესო სტატისტიკით ესპანელი გუერა მოგვევლინა, რომელმაც 17 წუთში 15 ქულას, 5 მოხსნას და 1 შედეგიან გადაცემას მოუყარა თავი.
შეგახსენებთ, რომ ამ გამარჯვების შემდეგ, „ტენერიფე“ ჯგუფში 9 ქულით პირველ ადგილზე იმყოფება. ცნობისთვის, ვიდორეტას შეგირდები ჩემპიონთა ლიგაზე შემდეგ მატჩს რიტასის წინააღმდეგ გამართავენ. აღნიშნული დაპირისპირება 21 დეკემბრით თარიღდება და თბილისის დროით 23:00-დან დაიწყება.
El #LenovoTenerife impone su ley
— Lenovo Tenerife (@CB1939Canarias) December 14, 2022
???? ¡Triunfo, liderato... Y clasificados para el Top 16!
???????? #VamosCanarias #LenovoTenerife #DefendTheGold pic.twitter.com/cUGwRyBgtc
