ილია სულამანიძე ევროპის ჩემპიონია
უნგრეთის დედაქალაქ ბუდაპეშტში მიმდინარე 23-წლამდე ძიუდოისტთა ევროპის ჩემპიონატზე გულშემატკივარმა ქართული ფინალი იხილა. 81-კილოგრამ წონით კატეგორიაში ვლადიმერ ახალკაცს ტატო გრიგალაშვილმა აჯობა და საქართველოს მონაგარს ოქრო და ვერცლის მედლები შეემატა.
რამდენიმე წუთის წინ კი თავი ილია სულამანიძემ, 100-კილოგრამ წონით კატეგორიაში გამოიჩინა. მისი დაპირისპირება საკმაოდ რთული გამოვიდა, თუმცა უნგრელ ჟომბორ ვეგის იპონით აჯობა და ოქროს მედალი არ დათმო.
საინტერესოა, რომ ამ წონით კატეგორიაშიც ქართული ნახევარფინალი გაიმართა ერთმანეთს ილია სულამანიძე და გიორგი ჩიქოვანი დაუპირისპირდნენ. საბოლოოდ, ილიამ ოქრო მოიპოვა, ხოლო გიორგიმ - ბრინჯაო.
მიმდინარე ჩვენი ქვეყნის დელეგაციისთვის წარმატებულია - 10 გამოსვლა ვიხილეთ და ერთდროულად 8 სპორტსმენმა ფინალურ ბლოკში ასაპარეზობა შეძლო, შესაბამისად, ეს ჩვენი დელეგაციისთვის ბოლო მედლები არ იქნება.
