მესამე ქამრისთვის ჩხუბი? | თოფურიამ საშუალო წონაში ასვლაზე ისაუბრა

UFC-ის მსუბუქი წონითი დივიზიონის ჩემპიონობის პრეტედენტმა, ილია თოფურიამ ისაუბრა იმაზე, აპირებს თუ არა საშუალო წონაში გადასვლას და 3 წონის ჩემპიონობისთვის ბრძოლას.

ჟურნალისტის კითხვას, ხომ არ აპირებს ილია ჩარლზ ოლივეირასთან ჩხუბის შემდეგ საშუალო წონაში ასვლას და მესამე წონის ჩემპიონობისთვის ბრძოლას, „ელ მატადორმა“ ასე უპასუხა:

„არა, ასეთი გეგმები არ მაქვს. ჩარლზ ოლივეირასთან ჩხუბის შემდეგ საშუალო წონაში ასვლას არ ვაპირებ. თუმცა ყველაფერი დამოკიდებულია იმაზე, თუ როგორ განვითარდება მოვლენები და რა გეგმები ექნება UFC-ის. საბოლოო ჯამში, გადაწყვეტილებას მე არ ვიღებ.

ამ შემთხვევაში, ქვემსუბუქი წონიდან წასვლა ჩემი გადაწყვეტილება იყო, იმიტომ რომ წონას ვეღარ ვიკლებდი და ჯანმრთელობას ვიგდებდი საფრთხეში. რაც შეეხება დანარჩენს, თუ UFC-ის და ჩემი გეგმები დაემთხვევა, ყველაფრისთვის მზად ვარ“.

როგორც ცნობილია, ილია თოფურიასა და ჩარლზ ოლივეირას ორთაბრძოლა UFC 317-ის მთავარი მოვლენა იქნება, რომელიც ლას-ვეგასში, თბილისის დროით, 29 ივნისს გაიმართება. ბუკმეკერები „ელ მატადორს“ გამოკვეთილ ფავორიტად მიიჩნევენ.

რაც შეეხება საშუალო წონას, ჩემპიონის ქამარს ჯეკ დელა მადალენა, დიდი ალბათობით, პირველად სწორედ ისლამ მახაჩევთან დაიცავს.