ჯოშ ჰოკიტის მორიგი შოუ | აწონვების ცერემონია UFC 334-ის წინ
UFC 334-ის მთავარი მოვლენა სირილ განისა და ჯოშ ჰოკიტის დაპირისპირებაა და დღეს გამართულ აწონვების ცერემონიაზე ორივე მებრძოლმა წონა ჩააბარა. განი 110 კილოგრამს იწონის, ხოლო ჰოკიტი მასზე დაახლოებით 5 კილოგრამით მსუბუქია — 104.5.
ამერიკელმა მებრძოლმა აწონვების ცერემონიაზე მორიგი შოუ დადგა. ჰოკიტი ისე იქცეოდა, თითქოს ალკოჰოლის ზემოქმედების ქვეშ იყო. როდესაც წონა ჩააბარა, ჯოშს თითქოს ჩაეძინა და რამდენიმე წამის განმავლობაში სასწორზე იდგა.
Josh Hokit pulled up to the weigh-in "drunk" again... He passed out on the scale and didn't move for over a minute ???????????? #UFC334 https://t.co/oiDU0txjCj
— Championship Rounds (@ChampRDS) November 13, 2026
UFC 334-ის თანამთავარი მოვლენა კაილ ჰარისონისა და ამანდა ნუნიესის დაპირისპირებაა. ორივე მებრძოლმა ერთნაირი წონა, 61.2 კილოგრამი დააფიქსირა. წონა ვერ ჩააბარა ტერენს მაკკინიმ, რომელიც ლიმიტზე დაახლოებით 2 კილოგრამით მეტს იწონიდა. აწონვის შემდეგ მან UFC-ის ბოდიში მოუხადა და აღნიშნა, რომ ეს მსუბუქ წონით დივიზიონში მისი ბოლო ჩხუბია.
ცნობისთვის, UFC 334-ის მთავარი ბრძოლები 15 ნოემბერს, თბილისის დროით, 06:00-დან დაიწყება. რაც შეეხება ღონისძიებას, პირველი ჩხუბი 02:00-ზე გაიმართება.
კომენტარები
იყავით პირველი, ვინც დაწერს კომენტარს