შენგელიას სამი ქულა | დუბაი ოლიმპიაკოსთან დამარცხდა

თორნიკე შენგელიას „დუბაი“ ევროლიგის მოქმედ ჩემპიონს, „ოლიმპიაკოსს“ დაუპირისპირდა. ქართველმა კალათბურთელმა და კომპანიამ სტუმრად ითამაშეს და უშანსოდ დამარცხდნენ — 72:101.

შენგელიას ბევრი სათამაშო დრო არც ამ შეხვედრაში მიეცა. ქართველმა კალათბურთელმა პარკეტზე 13 წუთი და 21 წამი გაატარა და მის ანგარიშზე 3 ქულა, 1 მოხსნა და 2 შედეგიანი გადაცემაა. შენგელიამ 3-დან 1 ორიანი ჩააგდო და 1 საჯარიმო გამოიყენა, 1 სამქულიანი კი ააცილა.

„დუბაის“ რიგებში 10-ქულიანი ნიშნული მხოლოდ დუეინ ბეიკონმა და მფიონდუ კაბენგელემ გადალახეს. ბეიკონს 20 ქულა ჰქონდა, კაბენგელეს — 12. „ოლიმპიაკოსის“ მხრიდან საუკეთესო ევან ფურნიე იყო — 28 ქულა.

ცნობისთვის, „დუბაის“ 7 მოგება და 4 წაგება აქვს და სატურნირო ცხრილში მეშვიდე პოზიციას იკავებს. შენგელიას გუნდი მომდევნო შეხვედრას 15 ნოემბერს „სპარტაკ სუბოტიცას“ წინააღმდეგ გამართავს.