23 ქულა ყოფილ გუნდთან - მამუკელაშვილის მორიგი სუპერმატჩი

ნაციონალური საკალათბურთო ასოციაციის მორიგ ტურში სანდრო მამუკელაშვილის „ლოს ანჯელეს ლეიკერსი“ „მილუოკი ბაქსს“ ესტუმრა და 123:112 დაამარცხა.

თავისი ყოფილი გუნდის წინააღმდეგ მამუკელაშვილმა 26:02 წუთი ითამაშა და ამ დროის განმავლობაში 23 ქულა, 3 მოხსნა, 2 შედეგიანი გადაცემა და 1 ჩაჭრა დააგროვა. სანდრომ 8-დან 5 სამქულიანი და 7-დან 4 ორქულიანი ჩააგდო.

მამუკელაშვილზე მეტი ქულა „ლეიკერსის“ რიგებში მხოლოდ ლუკა დონჩიჩს ჰქონდა (32). „ბაქსს“ 27 ქულით ტაილერ ჰირომ ულიდერა, ხაიმე ხაკესმა კი 25 ქულა ჩააგდო.

11 მოგებითა და 2 წაგებით მამუკელაშვილის გუნდი დასავლეთ კონფერენციის პირველ ადგილზეა. მომდევნო ტურში „ლეიკერსი“ 16 ნოემბერს „ფინიქსს“ ესტუმრება.