„ჩემი მეომარი ძმით ამაყი ვარ“ | მერაბი ილიასა და გეიჯის ჩხუბს გამოეხმაურა
მერაბ დვალიშვილი ილია თოფურიასა და ჯასტინ გეიჯის ორთაბრძოლას გამოეხმაურა. „მანქანამ“ Facebook-ის საკუთარ გვერდზე პოსტი გამოაქვეყნა და განაცხადა, რომ „ელ მატადორით“ ამაყია.
„ამაყი ვარ ჩემი მეომარი ძმით. ვიცი, რომ ილია უფრო ძლიერი დაბრუნდება ვიდრე ოდესმე“, — დაწერა დვალიშვილმა.
შეგახსენებთ, რომ, თოფურიასა და გეიჯის ორთაბრძოლა „თეთრი სახლის“ ღონისძიების, UFC Freedom 250-ის მთავარი მოვლენა იყო. მათი ჩხუბი მეოთხე რაუნდის შემდეგ შეწყდა. თოფურიას გუნდმა თეთრი პირსახოცი გადმოაგდო, რაც ბრძოლის ნაადრევად დასრულებას ნიშნავს.
ღონისძიების შემდეგ UFC-ის პრეზიდენტმა, დენა უაითმა განაცხადა, რომ ილია საავადმყოფოშია გადაყვანილი. სავარაუდოდ, მას თვალის ორბიტალური ძვალი აქვს დაზიანებული. ამ მომენტისთვის, თოფურიას ჯანმრთელობის მდგომარეობაზე სხვა არაფერია ცნობილი.
