„ბიზნეს კლასი შემომთავაზეს“ | ცარუკიანმა რეისიდან მოხსნაზე ისაუბრა
არმან ცარუკიანმა რამდენიმე დღის წინანდელ ინციდენტზე ისაუბრა, რომლის გამოც ფილადელფიისკენ მიმავალი რეისიდან მოხსნეს. ცარუკიანმა განაცხადა, რომ მომხდარის შემდეგ American Airlines-ის წარმომადგენლებმა ბიზნეს კლასით მგზავრობა შესთავაზეს.
„როდესაც გამოვედით და თვითმფრინავმა ასაფრენი ბილიკისკენ წასვლა დაიწყო, ჩემთან ხალხი მოვიდა და ფოტოებისა და ვიდეოების გადაღება დაიწყეს. ამ მომენტში, American Airlines-ის წარმომადგენლები მიხვდნენ, რომ საქმე ცნობილ ადამიანთან ჰქონდათ.
გვითხრეს: „ბოდიშს გიხდით. ჩვენმა გუნდმა შეცდომა დაუშვა. მოდით, სხვა რეისზე გადაგიყვანთ, ბიზნეს კლასით იმგზავრებთ.“ ჩვენს თვითმფრინავს 20 მეტრი ჰქონდა გავლილი და ვუთხარი: „დააბრუნეთ და ჩავსხდებით“, თუმცა უარი მივიღე.
გვითხრეს, რომ ატლანტაში უნდა გავფრენილიყავით, იქ გავჩერებულიყავით და შემდეგ ფილადელფიაში წავსულიყავით. უარი ვთქვი, რადგან გადაჯდომა არ გვინდოდა. 12-საათიანი მგზავრობა რაში მჭირდებოდა?“
შეგახსენებთ, რომ ცარუკიანი RAF-ის ღონისძიებაზე მიფრინავდა, სადაც ურაია ფეიბერთან უნდა ეჭიდავა. არმანმა გაიმარჯვა და მეტოქეს შანსი არ დაუტოვა. რაც შეეხება მომხდარს, დეტალები შეგიძლია ამ ბმულზე იხილოთ.
