„ამას აზრი არ აქვს“ - გეიჯი პიმბლეტთან რევანშს გამორიცხავს
პედი პიმბლეტის თქმით, ის იმედოვნებს, რომ ოდესმე ჯასტინ გეიჯისთან რევანშს აიღებს, თუმცა UFC-ის მსუბუქი წონის დროებითი ჩემპიონი არ ფიქრობს, რომ ბრიტანელს ოქტაგონზე კიდევ ერთხელ შეხვდება.
„არ მგონია, რომ ეს მოხდეს. ჩემი მიზანი დივიზიონის მწვერვალია. პედისთან რევანშს განსაკუთრებული აზრი არ აქვს. მე კონცენტრირებული ვარ ტოპ-მებრძოლებზე. პედი ნიჭიერი ბიჭია, მაგრამ მე ამ ეპოქის საუკეთესო მსუბუქწონოსნებს ვებრძოლე, ის კი ჯერჯერობით ამ კატეგორიაში არ შედის. მას კიდევ ბევრი რამ აქვს დასამტკიცებელი. ახალგაზრდაა, პროგრესირებს, მაგრამ ამჟამად იმ დონეზე არ იმყოფება“,
– განაცხადა ამერიკელმა Bloody Elbow-სთან ინტერვიუში.
ერთი კვირის წინ გეიჯიმ კარიერაში მეორედ მოიპოვა UFC-ის მსუბუქი წონის დროებითი ჩემპიონის ქამარი, როდესაც პიმბლეტი მსაჯების ერთსულოვანი გადაწყვეტილებით დაამარცხა. ახლა ის დივიზიონის მოქმედი ჩემპიონის, ილია თოფურიას გამოწვევას გეგმავს.
პედი პიმბლეტმა უკვე განაცხადა, რომ ოქტაგონს მიმდინარე წლის ზაფხულში დაუბრუნდება და დაუშვა, რომ მისი მეტოქე შესაძლოა ფრანგი ბენუა სენ-დენი გახდეს.
