აბდელაზიზი: ისლამი ისეთ ფორმაშია, რომ მის ფონზე ყველა მოყვარულად ჩანს

15 ნოემბერს, ნიუ-იორკში, UFC 322 ტურნირზე, გულშემატკივრები ოქტაგონზე იხილავენ ისლამ მახაჩევის საუკეთესო ვერსიას, ამტკიცებს რუსი მებრძოლის მენეჯერი ალი აბდელაზიზი.

„ის ახლა ისლამ მახაჩევის საუკეთესო ვერსიაა. თუ დღევანდელი ისლამი ძველ ისლამს შეებრძოლებოდა, ის პირველ რაუნდში გაიმარჯვებდა. ისლამი დიდი, ძლიერი, ჯანმრთელი, ბედნიერია. მას აღარ უწევს წონის მტანჯველი დაკლება, ის ძალიან, ძალიან ძლიერია. ის ყველა მის გარშემო მყოფ მებრძოლებს მოყვარულებად აჩენს“.

– განაცხადა აბდელაზიზმა Submission Radio-სთან ინტერვიუში.

თუ მახაჩევი დაამარცხებს ავსტრალიელ ჯეკ დელა მადალენას და UFC-ის ნახევრადსაშუალო წონაში ქამარს მოიპოვებს, საუბრები გარდაუვლად მივა იქამდე, შეძლებს თუ არა ის ტიტულის მოპოვებას მესამე წონით კატეგორიაში. თავად მებრძოლი ჯერჯერობით ასეთ შესაძლებლობას ნაკლებად სავარაუდოდ მიიჩნევს.

„ჩემი ოცნებაა გავხდე ორმაგი ჩემპიონი, შევიდე ისტორიაში, როგორც ადამიანი, რომელმაც ორი ქამარი მოიპოვა. მესამე ქამარი? ამდენს ვერ შევჭამ“,

– განაცხადა მახაჩევმა „მატჩ ტვ“-სთან ბოლო ინტერვიუში.