თამაში ვეღარ გააგრძელა | ბასილაშვილი ბრიუსელის ტურნირს ჩაეხსნა
ქართველმა ჩოგბურთელმა, ნიკოლოზ ბასილაშვილმა ბრიუსელის 250-იან ტურნირზე ასპარეზობა შეწყვიტა. ბასილაშვილმა პირველ რაუნდში ფრანგი ქუენტინ ჰალისი დაამარცხა, მერვედფინალში კი ჯოვანი მპეტში პერიკარდს დაუპირისპირდა.
პირველი სეტის საწყის 10 გეიმში ჩოგბურთელები თავიანთ ჩაწოდებაზე უშეცდომოდ გამოიყურებოდნენ. 5:5-ზე მპეტში პერიკარდმა ბრეიკპოინტი გამოიყენა და პირველი პარტია 7:5 მოიგო. სეტის მიწურულს ბასილაშვილმა მხარი დაიზიანა და მატჩის გაგრძელებაზე უარის თქმა მოუწია.
Tough ending ????
— Tennis TV (@TennisTV) October 16, 2025
Basilashvili, battling ongoing elbow issues, feels the pain again and is forced to retire in Brussels#BNPPFEuropeanOpen pic.twitter.com/eI1fvwIvc7
ცნობისთვის, ბრიუსელის ტურნირი ბასილაშვილმა საკვალიფიკაციო ეტაპიდან დაიწყო – მან ჯერ ალესიო ბასილეს სძლია, შემდეგ კი – პიერ ჰერბერტს. ნიკოლოზი 101-ე ჩოგანია, თუმცა მომავალ კვირაში ATP-ის რეიტინგი განახლდება და ქართველი ჩოგბურთელი ასეულში შევა.
