ოთხი სეტპოინტი ვერ გამოიყენა | ბასილაშვილი ალკარასთან დამარცხდა

ავსტრიაში, ვენის ღია პირველობის მერვედფინალში ნიკოლოზ ბასილაშვილი მსოფლიოს მესამე ჩოგანს, კარლოს ალკარასს დაუპირისპირდა. ქართველი ჩოგბურთელი ორ სეტში დამარცხდა და ტურნირს გამოეთიშა — 1:6, 6:7 (11).

პირველ პარტიაში ალკარასი ფენომენალური იყო. ესპანელმა ჩოგბურთელმა ბრწყინვალე თამაში აჩვენა, ორი ბრეიკი შეასრულა და სეტი 6:1 დახურა. ალკარასმა მეორე პარტიაც კარგად დაიწყო და ბრეიკით 3:1 დაწინაურდა, თუმცა ბასილაშვილმა ბოლომდე იბრძოლა.

ქართველმა ჩოგბურთელმა ბრეიკპოინტი გამოიყენა, წონასწორობა აღადგინა და სეტის გამარჯვებულის გამოსავლენად ტაიბრეიკი დაინიშნა. ბასილაშვილი ანგარიშის გათანაბრებასთან ძალიან ახლოს იყო და ოთხი სეტპოინტი ჰქონდა. ნიკამ ყველაზე კარგი შანსი 8:7-ზე მიიღო, მაგრამ ალკარასმა თითქმის წაგებული გათამაშება მოიგო, შემდეგ კი მატჩპოინტიც გამოიყენა — 11:13.

ცნობისთვის, ბასილაშვილმა 1/16-ფინალში იური როდიონოვი ორ სეტში დაამარცხა — 7:6, 6:1. რაც შეეხება ალკარასს, მან კარენ ხაჩანოვს მოუგო, მისი მომდევნო მეტოქე კი ტომი პოლია.