ლოზანამ გაბრიელ სიგუა ოფიციალურად წარადგინა
„ლოზანამ“ გაბრიელ სიგუა ოფიციალურად წარადგინა. „ბაზელმა“ 20 წლის ქართველი ფეხბურთელი იჯარის წესით, 1 სეზონით გაანათხოვრა, გამოსყიდვის უფლების გარეშე.
„როგორც მოსალოდნელია, ეს უნივერსალური შემტევი მარჯვენა მცველი „ლოზანაში“ მეტ სათამაშო დროს მიიღებს, რაც მის განვითარებაზე დადებითად აისახება“, - აღნიშნულია „ბაზელის“ მიერ გავრცელებულ განცხადებაში.
შეგახსენებთ, რომ გასულ სეზონში სიგუა შვეიცარიის ჩემპიონატში სასტარტო 11-ეულში მხოლოდ ერთხელ მოხვდა. პოზიტიურად უნდა შევაფასოთ მისი თამაში შვეიცარიის თასზე, სადაც 17 წუთით ითამაშა და გოლი გაიტანა.
გეტყვით ასევე, რომ ქართველ ფეხბურთელს „ბაზელთან’’ კონტრაქტი 2028 წლის 30 ივნისამდე აკავშირებს.
