პორიეს ახალი ამპლუა | UFC-ის კომენტატორი და ექსპერტი იქნება
UFC-ის მსუბუქი წონითი დივიზიონის ყოფილ მებრძოლს, დასტინ პორიეს, რომელმაც კარიერა რამდენიმე კვირის წინ დაასრულა, შერეული ორთაბრძოლების გულშემატკივრები ახალ ამპლუაში იხილავენ. The Independent-ის ინფორმაციით, „ბრილიანტი“ UFC-ის კომენტატორებისა და ექსპერტების გუნდს შეუერთდება.
„მოუთმენლად ველოდები ESPN-ზე დაბრუნებას. დღეიდან ამაზე ვიქნები ფოკუსირებული“, - წერს პორიე სოციალურ ქსელ X-ში.
Looking forward to getting back on the ESPN desk going to start focusing on that now.
— The Diamond (@DustinPoirier) August 1, 2025
შეგახსენებთ, რომ თავის ბოლო ბრძოლაში პორიე მაქს ჰოლოუეისთან დამარცხდა. ამგვარად, MMA-ში მას 30 მოგება და 10 მარცხი დაუგროვდა.
