მიქაუტაძის საგოლე პასი - ვილიარეალმა ლევანტეს მოუგო
„ვილიარეალი“ ლა ლიგის ახალი სეზონისთვის მზადებას აგრძელებს - მორიგ ამხანაგურ მატჩში გიორგი მიქაუტაძის გუნდი „ლევანტეს“ შეხვდა და 1:0 გაიმარჯვა.
ქართველი ფორვარდი მოედანზე 55-ე წუთზე გამოჩნდა, მე-60 წუთზე კარში დაარტყა, 62-ეზე კი საგოლე პასი მიითვალა, გოლი კი „ვილიარელიას“ ახალწვეულის, ლოგან კოშტას ანგარიშზეა.
8 აგვისტოს „ვილიარეალი“ კიდევ ერთ ამხანაგურ მატჩს „გალათასარაის“ წინააღმდეგ გამართავს. 16 აგვისტოს კი ლა ლიგის ახალი სეზონიც დაიწყება: პირველ ტურში „ყვითელი წყალქვეშა ნავი“ გიორგი გულიაშვილის „რასინგს“ ესტუმრება.
ცნობისთვის, ბრიტანული გამოცემა The Athletic-ის ჟურნალისტმა და ანალიტიკოსმა, ალექსანდერ ბარკერმა „ბარსელონას“ გიორგი მიქაუტაძის გაფორმება ურჩია. ბარკერის მიხედვით, თუ „ბლაუგრანამ“ ხულიან ალვარესი ვერ შეიძინა, არჩევანი ქართველ ფეხბურთელზე უნდა შეაჩეროს.
