რაიო სოსიედადთან დამარცხდა | წიტაიშვილმა შეუცვლელად ითამაშა და აქტიური იყო

ლა ლიგის მე-12 ტურში, გიორგი წიტაიშვილის „რაიო ვალეკანო“ სტუმრად „რეალ სოსიედადს“ დაუპირისპირდა და დაძაბულ ბრძოლაში 1:0 დამარცხდა.

გიორგი წიტაიშვილი სასტარტო შემადგენლობაში იყო და ბოლომდე შეუცვლელად ითამაშა. ქართველი შემტევი მთელი მატჩის განმავლობაში აქტიურობდა და რამდენიმე დასამახსოვრებელი ეპიზოდი შემოგვთავაზა, თუმცა შედეგიანი მოქმედება არ ჰქონია. 

წიტაიშვილის სტატისტიკა ასეთი იყო - ბურთთან 44 შეხება, 23-დან 19 ზუსტი პასი, 1 საკვანძო პასი, 2 დარტყმა - 1 ზუსტი, 1 დაიბლოკა, 4-დან 1 წარმატებული დრიბლინგი, 1 ართმევა, 1 განმუხტვა, 2 დაბრუნებული ბურთი, 12-დან 8 მოგებული ორთაბრძოლა. Sofascore-ის შეფასება - 7.0 ქულა.

„რაიო ვალეკანოს“ კარში ერთადერთი გოლი 67-ე წუთზე ოსკარსონმა გაიტანა.

გიორგი წიტაიშვილმა „რაიო ვალეკანოს“ შემადგენლობაში ლა ლიგის მიმდინარე სეზონში მე-8 მატჩი ჩაატარა და შედეგიანი მოქმედება ჯერჯერობით, კიდევ არ ჰქონია.

12 ტურის შემდეგ „რაიო ვალეკანოს“ 12 ქულა აქვს და ლა ლიგის სატურნირო ცხრილში მე-14 პოზიციაზე იმყოფება. წიტაიშვილის გუნდი მომდევნო შეხვედრას სანაკრებო პაუზის შემდეგ, 21 ნოემბერს საკუთარ მოედანზე „ვალენსიას“ წინააღმდეგ გამართავს.