კვარა და პსჟ გინესის მსოფლიო რეკორდების წიგნში

პსჟ გინესის მსოფლიო რეკორდების წიგნში შეიყვანეს. და მასთან ერთად გინესის წიგნში ავტომატურად ხვიჩა კვარაცხელიაც მოხვდა.

პარიზულ კლუბს 12 რეკორდი უფიქსირდება, რომელთაგან ერთ-ერთი ქართველს ეკუთვნის. საუბარია კვარაცხელიას ჩემპიონთა ლიგის საპლეიოფო სტადიაზე საგოლე მოქმედებების ყველაზე ხანგრძლივ სერიაზე. ხვიჩამ გოლით ან საგოლე გადაცემით თავის გამოჩენა მიჯრით 7 მატჩში შეძლო.

რაც შეეხება პარიზელთა სხვა შთამბეჭდავ რეკორდებს - ლუის ენრიკეს გუნდმა ჩემპიონთა ლიგის ერთ სეზონში ყველაზე მეტი, 45 გოლი გაიტანა. ასევე, პსჟ-მ ლიგის ფინალში ყველაზე დიდი სხვაობით (5:0 ინტერთან) გამარჯვება შეძლო.

გარდა ამისა პარიზელებმა ლიგა 1-ის ერთ კონკრეტულ სეზონში 96 ქულის მოგროვება შეძლეს. ჩემპიონატი მათ ყველაზე მეტჯერ 14-ჯერ მოიგეს.

ჩემპიონთა ლიგის ერთ სეზონში ყველაზე მეტი ზუსტი გადაცემის რეკორდი კი ვიტინიას ეკუთვნის - 1602. ლიგა 1-ში სარეკორდო ყველაზე მეტი საჩემპიონო ტიტული ფეხბურთელთა შორის მარკინიოსს ეკუთვნის - 11.

პარიზელთა რეკორდების სია ასეთია:

ყველაზე მეტი გოლი ჩემპიონთა ლიგის სეზონში – 45.

ყველაზე დიდი ანგარიშით გამარჯვება ჩემპიონთა ლიგის ფინალში – 5:0.

ყველაზე მეტი საგოლე მოქმედება ჩემპიონთა ლიგის ფინალში – დეზირე დუე (3).

ყველაზე ხანგრძლივი სერია საგოლე მოქმედებებით ჩემპიონთა ლიგის პლეი-ოფში - ხვიჩა კვარაცხელია (7).

ყველაზე მეტი ზუსტი გადაცემა ჩემპიონთა ლიგის სეზონში – ვიტინია (1602)

ყველაზე მეტი ლიგა 1-ის ტიტული – 14.

ყველაზე მეტი ლიგა 1-ის ტიტული ცალკეული მოთამაშის ანგარიშზე – მარკინიოსი (11).

ყველაზე მეტი ქულა ლიგა 1-ის სეზონში (96).

ყველაზე ხანგრძლივი დაუმარცხებელი სერია ლიგა 1-ში (36).

ყველაზე ხანგრძლივი დაუმარცხებელი სერია სტუმრად ლიგა 1-ში (39).

ყველაზე ხანგრძლივი მოგებათა სერია ლიგა 1-ის სეზონში – 14.