როდის დაბრუნდება ხარებაშვილი | ქართველი მცველი ტრავმირებულია

თურქეთის სუპერ ლიგის მე-11 ტურში გიოზთეფე შინ ბაშაქშეჰირთან 1:2 დამარცხდა. სტუმართა სამატჩო განაცხადში საბა ხარებაშვილი არ იმყოფებოდა. კრისტალსპორტის ინფორმაციით, 18 წლის მარცხენა მცველი ტრავმირებულია, მუხლი დაუზიანდა, რის გამოც დაახლოებით ორ კვირაში დაბრუნდება.

გასულ კვირაში, მე-10 ტურში „ბაშაქშეჰირმა“ „სამსუნსპორს“ 5:2 მოუგო, საბამ ორი საგოლე პასი შეასრულა. თურქეთში ავტორიტეტულმა გამოცემამ Asist Analiz-მა მე-10 ტურის სიმბოლურ გუნდში შეიყვანა. ასევე, Futbol Verileri-ს მონაცემებით, თურქეთის სუპერ ლიგის მე-10 ტურში ყველაზე მეტი სპრინტი ქართველმა განავითარა — 25. 

მთავარი მწვრთნელი ნური შაჰინი ქართველს დიდ ნდობას უცხადებს. საბა 18 წლის 3 სექტემბერს გახდა და თურქულ კლუბში თამაშის უფლება ამ თარიღის შემდეგ მიიღო. მას შემდეგ მისმა გუნდმა სუპერ ლიგაში 8 მატჩი ჩაატარა, 8-დან 5-ში სასტარტოში იყო, 8-დან 3-ში 90 წუთი ითამაშა. სკამზე მატჩის ბოლომდე მხოლოდ ერთ შეხვედრაში იჯდა და ერთხელ ცვლილებაზე ითამაშა (სადებიუტო მატჩში „გალათასარაისთან“), ხოლო ერთი მატჩი ტრავმის გამო გამოტოვა, გუშინ გიოზთეფესთან ტრავმის გამო სამატჩო განაცხადში არ იმყოფებოდა.