მერაბ დვალიშვილი, კორი სენდჰეგენი
Aa
Aa

დვალიშვილი ბრუნდება | მანქანა საჩემპიონო ქამარს ოქტომბერში დაიცავს

UFC-ის სუპერ მსუბუქი წონითი დივიზიონის ჩემპიონი, მერაბ დვალიშვილი ოქტაგონში თბილისის დროით, 5 ოქტომბერს დაბრუნდება. საბრძოლო ორგანიზაციის პრეზიდენტმა, დენა უაითმა გამოაცხადა, რომ „მანქანა“ ტიტულს კორი სენდჰეგენის წინააღმდეგ დაიცავს.

„UFC 320-ის თანამთავარი მოვლენა მერაბისა და სენდჰეგენის დაპირისპირება იქნება. დვალიშვილს 13-ბრძოლიანი დაუმარცხებელი სერია აქვს, სენდჰეგენი კი ტოპ-15-ში მესამე პოზიციას იკავებს,“ — განაცხადა უაითმა.

UFC 320-ის მთავარი მოვლენა მაგომედ ანკალაევისა და ალექს პერეირას ორთაბრძოლა იქნება, ხოლო „მანქანა“ და „სენდმენი“ თანამთავარი მოვლენის მონაწილეები არიან. ამ ღონისძიებაზე კიდევ ერთ ძალიან საინტერესო ბრძოლას ვიხილავთ — ირჟი პროხაზკა ხალილ რაუნთრის შეხვდება.

კორი სენდჰეგენს კარიერაში 23 ბრძოლა აქვს გამართული, მის ანგარიშზეა 18 მოგება და 5 მარცხი. „სენდმენმა“ ბოლო ბრძოლაში დეივისონ ფიგერედოს სძლია, მანამდე კი უმარ ნურმაგომედოვთან დამარცხდა. კორის ასევე წაუგია პიოტრ იანთან, ტი ჯეი დილაშოუსთან და ალჯამეინ სტერლინგთან.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    „ასე ვერ გავრისკავ“ - დენა უაითი ჯონ ჯონსს არ ენდობა
    „ასე ვერ გავრისკავ“ - დენა უაითი ჯონ ჯონსს არ ენდობა