წარმატებული დაბრუნება - ნადალმა ბარსელონაში პირველი მატჩი მოიგო
ხანგრძლივი პაუზის შემდეგ, რაფაელ ნადალი კორტს დაუბრუნდა. ლეგენდარული ესპანელი მონაწილეობას ბარსელონას ტურნირზე იღებს, სადაც მიდი პირველი მოწინააღმდეგე ფლავიო კობოლი იყო.
„მატადორმა“ იტალიელი ჩოგბურთელი მარტივად ორ სეტში 6:2 6:3 დაამარცხა და მერვედფინალში გავიდა, სადაც მისი მეტოქე მეოთხე ნომრად განთესილი ავსტრალიელი დე მინო იქნება.
As if he never left…????@RafaelNadal returns to winning ways as he defeats Cobolli 6-2 6-3 in Barcelona@bcnopenbs #BCNOpenBS pic.twitter.com/xVmeXEYXm8
— Tennis TV (@TennisTV) April 16, 2024
შეგახსენებთ, რომ რაფაელ ნადალმა გასული წლის სეზონი თითქმის მთლიანად გამოტოვა. ესპანელმა ლეგენდამ მუხლზე ოპერაცია გაიკეთა.
რაფაელი მიმდინარე წლის დასაწყისში ბრისბეინის ტურნირზე დაბრუნდა. მისი თამაში ავსტრალიის ღია პირველობაზეც იგეგმებოდა, თუმცა კვლავ დაზიანება მიიღო და ტურნირს ჩაეხსნა.
ამის შემდეგ, ნადალი ინდიან უელსზე უნდა გამოსულიყო, თუმცა კვლავ დისკომფორტი იგრძნო. „მატადორი“ ვერც მონტე კარლოში ვიხილეთ, თუმცა, როგორც ხედავთ ბარსელონაში დაბრუნდა. გავრცელებული ინფორმაციით, რაფასთვის ეს ბოლო საჩოგბურთო სეზონია და სულ მალე კარიერას დაასრულებს.