პსჟ-მ ლე კლასიკი მოიგო - ხვიჩამ 58 წუთი ითამაშა

საფრანგეთის ლიგა 1-ის მე-5 ტურში, „პარი სენ-ჟერმენი“ სტუმრად „მარსელს“ დაუპირისპირდა და დაძაბულ ბრძოლაში 2:1 დაამარცხა.

ხვიჩა კვარაცხელია სასტარტო შემადგენლობაში იყო და მოედანზე 58 წუთი გაატარა. ამ დროის განმავლობაში ქართველი შემტევი ბურთს 42-ჯერ შეეხო, 33-დან 31 ზუსტი პასი შეასრულა, აქედან 3 საკვანძო პასი იყო, 1-დან 1 ზუსტი გრძელი პასი ჰქონდა, კარში 2-ჯერ დაარტყა - ერთხელ ზუსტად, ერთხელ არაზუსტად, 2-დან 1 წარმატებული დრიბლინგი შეასრულა, დაცვაში 6-დან 2 ორთაბრძოლა მოიგო და ბურთი ორჯერ დაიბრუნა. მისი თამაში 7.1 ქულით შეფასდა.

ხვიჩას ყველა ეპიზოდი:

ლუის ენრიკემ ხვიჩა კვარაცხელია 59-ე წუთზე, ფერან ტორესით შეცვალა, რომელმაც მოედანზე შემოსვლიდან მალევე ანგარიში გახსნა და პსჟ 1:0 დააწინაურა. მასპინძლებმა წონასწორობა 72-ე წუთზე, გომესის გოლით აღადგინეს, გამარჯვების გოლი კი 74-ე წუთზე, მარკინიოსმა გაიტანა.

გოლები:

ხვიჩა კვარაცხელიამ ლიგა 1-ის მიმდინარე სეზონში მეხუთე მატჩი ჩაატარა და მის ანგარიშზე ჯერჯერობით, მხოლოდ 1 საგოლე გადაცემაა.

5 ტურის შემდეგ „პარი სენ-ჟერმენს“ 8 ქულა დაუგროვდა და სატურნირო ცხრილში მე-6 პოზიციაზე იმყოფება. ლუის ენრიკეს გუნდი მომდევნო შეხვედრას სანაკრებო პაუზის დასრულების შემდეგ, 10 ოქტომბერს საკუთარ მოედანზე „ლე მანის“ წინააღმდეგ გამართავს.