ევროპის ღია პირველობა: ლიპარტელიანი ფინალშია, შავდათუაშვილი ბრნჯაოსთვის იბრძოლებს
კოსოვოს დედაქალაქ პრიშტინაში ძიუდოში ევროპის ღია პირველობა მიმდინარეობს.
ხსენებული ტურნირი წელს პირველად იმართება და ძიუდოისტები მხოლოდ ორ წონით კატეგორიაში გამოდიან.
57 კგ-ში ეთერ ლიპარტელიანმა წარმატებით იასპარეზა და ფინალში გავიდა. მან მოქმედ ოლიმპიურ ჩემპიონს ნორა ჯაკოვას იპონით სძლია და ოქროს მედლისთვის იბრძოლებს, სადაც მისი მეტოქე ტიმა ნელსონ ლევი იქნება.
73 კგ-ში ლაშა შავდათუაშვილი ნახევარფინალში დამარცხდა. ქართველმა ოლიმპიურმა, მსოფლიოს და ევროპის ჩემპიონმა იტალიელი მანუელ ლომბარდოსთან ვაზარით წააგო და ბრნიჯაოს მედლისთვის ბრძოლაში იჭიდავებს, სადაც აზერბაიჯანელ ჰიდაიათ ჰეიდაროვს დაუპირისპირდება.
ფინალური ბლოკი 20:00-დან დაიწყება. ტურნირის საპრიზო ფონდი 300 ათასი ევროა. ფინალში გამარჯვებული პირადად 55 ათასს მიიღებს, ვერცხლის მედალოსანი კი 35 ათასს.