იგუაინმა სერია A-ში შესანიშნავი შედეგი დააფიქსირა!
ტურინის იუვენტუსის არგენტინელმა ფორვარდმა გონსალო იგუაინმა, "სან სიროზე" "მილანთან" (2-0) დასრულებულ შეხვედრაში დუბლი გაიფორმა და "ბებერ სინიორას" მორიგი სამი ქულა მოუტანა.
"პიპიტამ" დღევანდელი გოლების შემდეგ სერია A-ში ასგოლიან ნიშნულს გადააბიჯა. იგუაინის ანგარიშზე უკვე 101 ბურთია.
29 წლის არგენტინელს ამ შედეგის მისაღწევად 154 თამაში დასჭირდა. იგუაინმა ზემოხსენებული 101 გოლიდან 71 2013-2016 წლების სეზონში "ნაპოლის" მაისურით გაიტანა.
შეგახსენებთ, რომ გონსალო იგუაინი "ბებერ ქალბატონს" გასულ სეზონში შეუერთდა და მას შემდეგ იტალიის ჩემპიონატში ჩატარებულ 49 შეხვედრაში 30 ბურთის გატანა მოახერხა.
