BasketNews: “შენგელია კარიერის საუკეთესო კალათბურთს თამაშობს“

მიმდინარე სეზონის დაწყების წინ, „ვირტუს ბოლონია“ ევროლიგაზე ფავორიტად არ ითვლებოდა. სიტუაცია შეიცვალა და იტალიური კლუბი სატურნირო ცხრილში მესამე პოზიციაზე მოგვევლინა.

რა თქმა უნდა, ამის ერთ-ერთი მთავარი შემოქმედი თორნიკე შენგელიაა, რომელსაც ბრწყინვალე სეზონი აქვს. ქართველი კალათბურთელის ასეთი თამაში ავტორიტეტულ გამოცემა BasketNews-ს არ გამოეპარა და საქართველოს ნაკრების კაპიტანზე დაწერა.

რას წერს BasketNews?

„მიმდინარე სეზონში „ვირტუს ბოლონია“ დიდი სიურპრიზია. თორნიკე შენგელია კარიერის საუკეთესო კალათბურთს თამაშობს. მიმდინარე სეზონის დასაწყისში, „ბოლონია“ აუტსაიდერად ითვლებოდა და ახლა ცხრილის ზედა ნაწილშია. ეს კი უდავოდ შენგელიას დამსახურებაა. იმის კითხვა, შეინარჩუნებს, თუ არა „ვირტუსი“ სეზონის ბოლომდე ამ პოზიციას, უკვე წარმატებად უნდა ჩაითვალოს.“

BasketNews EuroLeague Power Rankings return! ????

Find out which team deserved our apologies and find out the positions of Panathinaikos, Crvena Zvezda, Olympiacos, Panathinaikos, Fenerbahce & other clubs:https://t.co/ubeQwofxJ1https://t.co/ZcRuXAMNQL

— BasketNews (@BasketNews_com) November 22, 2023

როგორც უკვე მოგახსენეთ, იტალიური გუნდი ევროლიგაზე მესამე ადგილს იკავებს. გასულ ტურში „ბოლონია“ „პანათინაიკოსთან“ დამარცხდა, ხოლო შემდეგ ტურში, რომელიც 23 ნოემბერს გაიმართება, „ფენერბახჩეს“ უმასპინძლებს.