ვირტუსის რიგებში ისევ ყველაზე მეტი ჩააგდო | შენგელიას გუნდის გამარჯვება ევროლიგაზე
თორნიკე შენგელიას „ვირტუს ბოლონიამ“ ევროლიგაში ზედიზედ მე-3 გამარჯვება იზეიმა. ქართველი კალათბურთელის გუნდის მეტოქე „ცრვენა ზვეზდა“ გახლდათ და იტალიურმა კლუბმა დაძაბულ ბრძოლაში მოიგო - 85:79.
„ვირტუს ბოლონიამ“ პირველი მეოთხედი ბრწყინვალედ ჩაატარა და 11-ქულიანი უპირატესობა მოიპოვა - 26:15. მეორე პერიოდი ფრედ დასრულდა და შენგელია და კომპანია შესვენებაზე კომფორტული ჰანდიკაპით გავიდნენ. მესამე ათწუთეულში „ცრვენა ზვეზდამ“ ჩამორჩენა 4 ქულით შეამცირა, გადამწყვეტ პერიოდში კი სხვაობა 3 ქულამდე დაიყვანა, თუმცა ეს მისი მაქსიმუმი აღმოჩნდა.
შენგელიამ მატჩი ძირითად შემადგენლობაში დაიწყო და პარკეტზე 29 წუთი და 33 წამი გაატარა. ქართველი კალათბურთელი „ვირტუს ბოლონიას“ რიგებში საუკეთესო იყო და 19 ქულა, 6 მოხსნა (1 მეტოქის ფარზე), 5 შედეგიანი გადაცემა და 1 ჩაჭრა მიითვალა. თოკომ 9-დან 6 ორქულიანი, 3-დან 2 სამქულიანი და 2-დან 1 საჯარიმო ჩააგდო. მის პასივში 3 ჯარიმა და 8 დაკარგვა იყო. ორივე გუნდის მხრიდან ყველაზე მეტი ქულა შაბაზ ნეპიერს ჰქონდა - 23.
WIN WIN WIN ⚪️⚫️
— Virtus Segafredo Bologna (@VirtusSegafredo) October 20, 2023
Mamma mia che vittoria ????????
???? Shengelia 19, Belinelli 15, Mickey 13, Cordinier 11, Lundberg 10, Pajola 10, Hackett 4, Dobric 2, Dunston 1#AmarsiAncora pic.twitter.com/sySUt5MSsn
ამრიგად, „ვირტუს ბოლონიას“ 3 მოგება და 1 წაგება აქვს და ევროლიგის სატურნირო ცხრილის მე-5 ადგილს იკავებს. იტალიელები მომდევნო შეხვედრას 23 ოქტომბერს გამართავენ და „სასარის“ უმასპინძლებენ.