საოცარი მატჩი და ლატვიის მებრძოლი სული | გერმანია ბეწვზე გადარჩა
მსოფლიოს საკალათბურთო ჩემპიონატის მესამე ნახევარფინალისტი გერმანიის ნაკრები გახდა. დენის შრიოდერი და კომპანია მეოთხედფინალში ლატვიას დაუპირისპირდნენ და უმძიმეს ბრძოლაში იმარჯვეს - 81:79.
GERMANY GET THE JOB DONE ✅#FIBAWC x #WinForDeutschland ????????
— FIBA Basketball World Cup 2023 ???? (@FIBAWC) September 6, 2023
მატჩის დიდი ნაწილი ქულა-ქულაში წარიმართა და მეოთხე მეოთხედის სტარტზე, გერმანიას 3-ქულიანი უპირატესობა ჰქონდა. ლატვიელებმა ბოლო პერიოდი ცუდად დაიწყეს და გერმანია 8:0 გაიქცა, თუმცა ლატვიამ ბოლომდე იბრძოლა. შეხვედრის დასრულებამდე 2 წუთ-ნახევრით ადრე, გერმანია 10 ქულით იგებდა, თუმცა მეტოქეს გაქცევის უფლება მისცა. ლატვიამ ჩამორჩენა 2 ქულამდე შეამცირა და საფინალო სირენასთან ერთად, გამარჯვება შეეძლო, მაგრამ დავის ბერტანსის სამიანი ოდნავ არაზუსტი აღმოჩნდა.
DAVIS BERTANS FOR THE WIN... NOT GOOD, GERMANY MOVE ON TO THE SEMI-FINALS. ????#FIBAWC pic.twitter.com/mv46svGKYb
— FIBA Basketball World Cup 2023 ???? (@FIBAWC) September 6, 2023
გერმანიის ნაკრებს ტრავმისგან დაბრუნებულმა ფრანც ვაგნერმა ულიდერა, რომელმაც 16 ქულა, 8 მოხსნა, 3 ასისტი მიითვალა. მის ძმას, მორიცს 12 ქულა და 4 მოხსნა ჰქონდა. ანდრეას ობსტმა 13 ქულა გააკეთა, ხოლო დენის შროდერს საშინელი მატჩი ჰქონდა და 26-დან მხოლოდ 4 ბურთი ჩააგდო, შეხვედრა კი 9 ქულით დაასრულა. ლატვიას 24 ქულით არტურს ზაგარსმა ულიდერა. დავის ბერტანსს 20 ქულა ჰქონდა, ხოლო როლანდს სმიტსმა 14 ქულა ჩააგდო.
შეგახსენებთ, რომ მეოთხე ნახევარფინალისტის ვინაობა დღესვე გაირკვევა და თბილისის დროით, 16:30-ზე ლუკა დონჩიჩის სლოვენია შეი გილჯეს-ალექსანდერის კანადას დაუპირისპირდება.
