დაუნდობელი აშშ | ტურნირის ფავორიტმა იტალია გაანადგურა
სერბეთის ნაკრების შემდეგ, მსოფლიოს საკალათბურთო ჩემპიონატის ნახევარფინალის საგზური აშშ-მაც მოიპოვა. ლიეტუვასთან განცდილი მარცხის შემდეგ, სტივ კერის ბიჭები იტალიას დაუპირისპირდნენ და მეტოქე უშანსოდ გაანადგურეს - 100:63.
USA ROUT ITALY IN A LOPSIDED QUARTER-FINAL ????#FIBAWC x #WinForUSA ????????
— FIBA Basketball World Cup 2023 ???? (@FIBAWC) September 5, 2023
მატჩში დაძაბულობა მხოლოდ საწყისი 5 წუთის განმავლობაში იყო, რომლის დროსაც, იტალია 8:6-ს იგებდა. ამის შემდეგ, აშშ-მა გაქცევა მოაწყო და პირველი პერიოდი 24:14 მოიგო. განსხვავებული სცენარი არც მეორე მეოთხედში ყოფილა, რომელშიც იტალიელებმა მხოლოდ 10 ქულა ჩააგდეს, მოწინააღმდეგეებისგან კი 22 მიიღეს. მესამე მეოთხედში, ამერიკელებმა 37 ქულა დააგროვეს და საქმის ბოლომდე მიყვანა არ გასჭირვებიათ.
"How will USA respond?"
— FIBA Basketball World Cup 2023 ???? (@FIBAWC) September 5, 2023
USA: #FIBAWC pic.twitter.com/vAIgUzBzxp
აშშ-ს მიკალ ბრიჯისმა ულიდერა, რომელმაც საოცარი მატჩი ჩაატარა და 24 ქულა, 7 მოხსნა, 1 შედეგიანი გადაცემა და 2 ჩაჭრა მიითვალა. ტაირიზ ჰალიბერტონმა 6 სამქულიანი ჩააგდო და 18 ქულა დააგროვა. ოსტინ რივზს 12 ქულა ჰქონდა, ხოლო ჯეილენ ბრანსონს - 9. იტალიის რიგებში ყველაზე მეტი, სიმონე ფონტეკიომ ჩააგდო - 18 ქულა. სტეფანო ტონუტს 11 ქულა ჰქონდა, მარკო სპისუს - 8.
შეგახსენებთ, რომ აშშ-ს მეტოქის ვინაობა ხვალ გაირკვევა. სტივ კერის ბიჭები გერმანიისა და ლატვიის წყვილის გამარჯვებულს დაუპირისპირდებიან.
